08.08.10 Экспедыцыя на Беларускую Смаленшчыну РГА “Студэнцкае этнаграфічнае таварыства” ладзіць экспедыцыю па вывучэнні беларуска-расейскага  памежжа. Упершыню ўдзельнікі экспедыцыі будуць працаваць на Ўсходняй Магілёўшчыне і памежнай з ёй тэрыторыі Смаленшчыны. Экспедыцыя будзе праходзіць на тэрыторыі Клімавіцкага, Крычаўскага, Мсціслаўскага раёнаў Магілёўскай вобласці і Рослаўскага, Хіславіцкага, Шумяцкага, Ершыцкага раёнаў Смаленскай. База мяркуецца ў (або каля) в. Стары Дзедзін недалёка ад трасы Крычаў - Рослаў. Выведка пачынаецца 9 жніўня, экспедыцыя - 11-га, доўжыцца да 25-га. Тэматыка: духоўная і матэрыяльная культура рэгіёна ў шырокім сэнсе (фальклёр, абрады, вераваньні, сакральная тапаграфія, побыт, рамёствыі г.д.). Прочитать новость

08.08.10 Беларусы на Смаленшчыне яшчэ не перавяліся Усім вядома як беларусы адстаюць ад сваіх суседзяў у пытаннях абароны роднай мовы, захавання гісторыка-культурнай спадчыны і нацыянальнай тоеснасці. Беларусы надзвычай асцярожныя, бо інакш нам нельга: кожны раз узнімаючы ці то моўнае, ці то тэрытарыяльна-этнаграфічнае пытанне, мы думаем пра магчымыя наступствы. У “Нашым Слове” ад 19 траўня 2010 г. размешчаны адказ прафесара Івана Лепешава спадару Сяргею Арцюху, які з абурэннем пісаў пра неабходнасць беларускай адукацыі на Смаленшчыне, Браншчыне і Пскоўшчыне. З высновамі прафесара Лепешава цяжка не пагадзіцца: зрусіфікаванае насельніцтва наўрад ці ўхваліць гвалтоўную ці добраахвотную “беларусізацыю”, якая і ў Беларусі мала каму патрэбная. Масавы беларускі рух на Смаленшчыне, Браншчыне і Пскоўшчыне не існуе і, бадай, ніколі там не ўзнікне, хоць яшчэ доўга тубыльцы будуць адчуваць сваю адрознасць ад вялікарусаў, а некаторыя з іх можа і ўсядомяць сябе беларусамі. Пра тое як захоўваецца беларуская свядомасць Смаленшчыны, чым жыве беларускі культурніцка-асветны рух заходніх частак Расіі мы вырашылі даведацца ў цвярскога беларуса Аляксея Верамоўскага, аднаго з укладальнікаў інтэрнэт-старонкі “Беларуская Смаленшчына”. Прочитать новость

08.06.10 У Смаленску пачало працу аддзяленне прадстаўніцтва беларускай амбасады Аддзяленне прадстаўніцтва беларускай амбасады пачало працу ў Смаленску. У зону яго адказнасці ўваходзяць дзесяць абласцей Цэнтральнай федэральнай акругі Расіі, паведамляе Першы тэлеканал. Прочитать новость

08.05.10 Сайт пра беларускую Смаленшчыну Смаленск – не Вільня. І ў беларускай нацыянальнай міфалогіі займае значна меншае месца. Яго не прынята лічыць жаданай сталіцай, дзе нараджалася беларуская нацыянальная ідэя, а аб колішняй беларускасці Смаленшчыны сёння амаль ніхто нічога ня ведае. Прочитать новость

10.04.10 У авіякатастрофе пад Катынню загінуў прэзідэнт Польшчы Лех Качыньскі Ту-154 з польскім прэзідэнтам на борце разбіўся ў Смаленску пры пасадцы. Паводле апошніх звестак на борце знаходзіліся 132 чалавекі, усе яны загінулі. Сведкі сцвярджаюць, што самалёт меў нахіл улева і збіў дрэва. Паводле словаў сведак, самалёт ляцеў вельмі нізка. Ён меў моцны нахіл налева. Крыло зачапілася за дрэва. «Калі б не нахіл улева, то прайшлі б над дрэвамі. Не было выбуху. Быў такі глухі стук і полымя», — расказаў сведка журналістам. «Абломкі самалёта раскіданыя на 100‑200 метраў», — кажа сведка катастрофы. *** У Смаленску перад журналістамі выступіў афіцыйны прадстаўнік губернатара. Ён зазначыў, што на месца катастрофы маюць прыехаць прэм’ер‑міністр Уладзімір Пуцін, міністры унутраных спраў і па надзвычайных сітуацыях. Не выключана, што гэта была памылка чалавека, сказаў ён. Бо самалёт прыляцеў сюды на свой страх і рызыку. У мясцовым аэрапорце экіпажу прапаноўвалі прызямліцца ў Мінску, паведамляе gazeta.pl. «Дзікая драма з’яўляецца трагічным збегам абставінаў», — сказаў Дзмітрый Мядзведзеў падчас тэлефоннай размовы з Дональдам Тускам. Прэзідэнт Расіі запэўніў, што зробіць усё магчымае, каб высветліць прычыны катастрофы. Па загаду Дзмітрыя Мядзведзева была створаная адмысловая камісія па расследаванню трагедыі, якую ўзначаліць прэм’ер‑міністр Уладзімір Пуцін. *** У Міністэрстве надзвычайных справаў Расіі паведамляюць, што на борце самалёта знаходзілася 96 чалавек, 88 з іх - члены афіцыйнай дэлегацыі. *** Паводле: www.nn.by

11.10.09 Выйшла з друку кніга Алега Трусава “Невядомая нам краіна: Беларусь у яе этнаграфічных межах” Выйшла з друку кніга Алега Трусава “Невядомая нам краіна: Беларусь у яе этнаграфічных межах”. Першы раздзел кнігі распавядае пра дзяржаўныя утварэнні беларускага народа, якія ў афіцыйнай (беларускай і замежнай) гістарыяграфіі не прынята лічыць беларускімі, а менавіта пра Цвярское і Смаленскае княствы, Пскоўскую рэспубліку, Дзвінскі край, Надбужскуя краіну ды іншыя землі, якімі валодаў беларускі народ. Другі раздзел утрымлівае рэцэнзіі аўтара на 5 гістарычных кніг апошніх гадоў, якія, на думку аўтара, варта прачытаць. “Праца над кнігай вялася на працягу 7 год, - распавядае Алег Анатольевіч, - Спачатку я рыхтаваў для “Радыё Свабода” перадачы, у якіх расказваў пра шматлікія дзяржаўныя ўтварэнні беларускага народу на тэрыторыі Усходняй Еўропы. Гэтыя перадачы карысталіся вялікай папулярнасцю. А самай папулярнай сярод іншых была перадача пра маю родную Смаленшчыну – пра Вялікае княства Смаленскае. Яна пабіла ўсе рэкорды папулярнасці. Таксама друкаваліся артыкулы ў газеце “Наша слова”. І слухачы “Свабоды” і чытачы “Нашага слова” шмат разоў прапаноўвалі мне аб’яднаць матэр’ялы ў адну кнігу. Так што можна сказаць, што гэта слухачы і гледачы натхнілі мяне на выданне кнігі. Я не стаў пісаць кнігу як навуковую манаграфію, а абраў для напісання навукова-папулярны жанр, таму што ўсё дакладна праверыць немагчыма, бо нават ў энцыклапедыях ёсць недакладнасці. і я загадзя прашу прабачэння за магчымыя памылкі і недакладнасці ў кнізе. Так што я чакаю канструктыўнай крытыкі і спадзяюся, што калі кніга атрымае пазітыўныя водгукі, праз 5-6 гадоў можна будзе яе перавыдаць.” Аўтар выказвае падзяку асабіста Старшыні Рады МГА “ЗБС “Бацькаўшчына”Ніне Шыдлоўскай, кіраўніку МГА “ЗБС “Бацькаўшчына” Алене Макоўскай, кіраўніку Дабрачыннага фонду “Голас Амерыкі” (ЗША) Ірэне-Калядзе-Смірновай, без якіх выданне кнігі было б немагчымым, а таксама Яраславу Мальдзісу і Ігару Марачкіну за выдатнае мастацкае афармленне кнігі і Станіславу Судніку, які рабіў папярэдні макет кнігі. Пры падрыхтоўцы кнігі выкарыстаны разнастайныя крыніцы: шматлікія энцыклапедыі, манаграфіі, артыкулы да газетных публікацый, а таксама дадзеныя ўласных археалагічных даследаванняў аўтара. Рэцэнзію да кнігі напісаў доктар гістарычных навук, прафесар Анатоль Грыцкевіч. На думку апошняга, у цэлым кніга Алега Трусава “вельмі добрая, карысная і неабходная, асабліва ў наш час, калі сапраўдную гісторыю Беларусі зноў пачалі хаваць ад вучняў, студэнтаў і чытачоў”. Пра аўтара: Алег Трусаў нарадзіўся ў 1954 годзе ў горадзе Мсціслаўлі. Беларускі археолаг і гісторык архітэктуры, палітык, публіцыст, дзяржаўны дзеяч Рэспублікі Беларусь. Скончыў гістарычны факультэт Беларускага дзяржаўнага ўніверсітэта, Кандыдат гістарычных навук, дацэнт. З 1995 года дацэнт Беларускага дзяржаўнага універсітэта культуры і мастацтва, працаваў дэканам бібліятэчнага факультэта. Старшыня ГА “Таварыства беларускай мовы імя Францішка Скарыны” з 1999 года, сябра Вялікай і Малой Радаў МГА “ЗБС “Бацькаўшчына”. Мае больш за 500 навуковых і навукова-папулярных публікацый: артыкулаў, манаграфій, альбомаў і кніг. --------------------------------------------- Невядомая нам краіна: Беларусь у яе этнаграфічных межах / Алег Трусаў. – Мінск: Кнігазбор, 2009. – 152 с. Прэзентацыі кнігі “Невядомая нам краіна: Беларусь у яе этнаграфічных межах” з удзелам аўтара адбудуцца 9 кастрычніка ў аўдыторыі 209 Палаца культуры Магілёва, які знаходзіцца па адрасе: пр. Пушкіна, 7 і распачнецца ў 19:00. 10 кастрычніка ў горадзе Мсціслаў Магілёўскай вобласці ў Раённым гісторыка-археалагічным музеі ў 15:00. Музей знаходзіцца па адрасе: вул. Калініна, 49. 26 кастрычніка ў сядзібе Таварыства беларускай мовы імя Ф. Скарыны ў Мінску Алега Трусава аматары літаратуры змогуць паслухаць у 18.00. Сядзіба ТБМ размешчана па адрасе: вул. Румянцава, 13. Прэзентацыі ладзяцца ў межах кампаніі “Будзьма беларусамі!”   Інфармацыйны цэнтр МГА “ЗБС “Бацькаўшчына”  Паводле www.zbsb.org

15.08.09 «Свіны грып» падбіраецца да межаў Беларусі Першы выпадак захворвання на "свіны грып" выяўлены ў Смаленску, перадае "Інтэрфакс". Вірусам заразілася жанчына, якая цяпер знаходзіцца ў бальніцы. Па словах медыкаў, па дапамогу яна звярнулася сама, адчуўшы сябе кепска пасля вяртання з Тайланда. У адміністрацыі горада падкрэслілі, што ў Смаленску прыняты ўсе неабходныя захады для спынення распаўсюджвання вірусу. Нагадаем, што некалькі дзесяткаў выпадкаў "свінога грыпу" ўжо зафіксаваны ў Літве. Трывожна… Паводле: www.nv-online.info